Itali, deri në 720 euro bonus për nënat që punojnë !

Instituti Kombëtar i Sigurimeve Shoqërore në Itali (INPS) ka njoftuar se aplikimi është hapur më 20 tetor, ndërsa afati i fundit për paraqitjen e kërkesave është 31 dhjetori 2026. Sipas rregullave të reja, ndihma financiare është rritur nga 40 në 60 euro për çdo muaj pune gjatë vitit 2026. Për nënat që kanë punuar gjatë gjithë vitit dhe plotësojnë kushtet, shuma maksimale arrin në 720 euro.Pagesa është paraparë të realizohet njëherësh gjatë muajit dhjetor, në vend të pagesave të ndara mujore.Kush mund të përfitojë nga kjo ndihmë?

Bonusi u dedikohet nënave që kanë të paktën dy fëmijë dhe janë të punësuara në sektorin publik ose privat, si dhe disa kategorive të vetëpunësuarave që janë të regjistruara në sistemin përkatës të sigurimeve shoqërore.Për nënat me dy fëmijë, kushti është që fëmija më i vogël të jetë nën moshën 10-vjeçare. Ndërsa për ato që kanë tre ose më shumë fëmijë, fëmija më i vogël duhet të jetë nën moshën 18-vjeçare.Një tjetër kusht i rëndësishëm është që të ardhurat vjetore nga puna gjatë vitit 2026 të mos tejkalojnë 40 mijë euro.

Nga kjo skemë përjashtohen punonjëset shtëpiake, ndërsa për nënat me tre ose më shumë fëmijë që kanë kontratë të përhershme pune zbatohet një rregull i veçantë.Këto të fundit nuk përfitojnë bonusin prej 60 eurosh për muajt kur kanë kontratë të përhershme, pasi për to ekziston një skemë tjetër e lirimit nga kontributet e sigurimeve shoqërore.Ndërkaq, nënat me dy fëmijë mund ta përfitojnë këtë ndihmë edhe nëse kanë kontratë të përhershme pune, për sa kohë plotësojnë kushtet e tjera.Masa mund të jetë me interes edhe për nënat nga Kosova që jetojnë dhe punojnë ligjërisht në Itali.

Përfitimi i tyre varet nga plotësimi i kushteve përkatëse dhe verifikimi i të drejtës nga INPS.Sa para mund të përfitojnë?Shuma që i takon secilës nënë llogaritet sipas numrit të muajve gjatë të cilëve ka punuar dhe ka plotësuar kushtet e skemës gjatë vitit 2026.Për shembull, një nënë që i plotëson kushtet për gjashtë muaj pune mund të përfitojë 360 euro, ndërsa për nëntë muaj pune shuma arrin në 540 euro.Për 12 muaj pune, përfitimi maksimal është 720 euro.

Sipas INPS-it, për llogaritjen e bonusit merret parasysh edhe një pjesë e muajit gjatë së cilës marrëdhënia e punës ka qenë aktive dhe janë plotësuar kushtet.Ndihma financiare nuk i nënshtrohet tatimit mbi të ardhurat dhe nuk llogaritet në treguesin ekonomik ISEE, i cili përdoret në Itali për përcaktimin e së drejtës në përfitime të ndryshme sociale.Si dhe deri kur mund të aplikohet?Aplikimi mund të bëhet drejtpërdrejt në platformën elektronike të INPS-it, duke përdorur identitetin digjital SPID, kartën elektronike të identitetit CIE ose mënyrat e tjera të autorizuara të identifikimit.Personat që kanë nevojë për ndihmë mund të aplikojnë edhe përmes zyrave të patronatit (Patronato), të cilat ofrojnë asistencë për procedurat e sigurimeve shoqërore në Itali.

Afati i përgjithshëm për aplikim është 31 dhjetori 2026. Megjithatë, për nënat që i plotësojnë kushtet për herë të parë gjatë muajit dhjetor, është paraparë një afat shtesë deri më 31 janar 2027.Aplikimi mund të bëhet përmes faqes zyrtare të INPS-it për “Nuovo Bonus mamme 2026”, ku janë publikuar edhe udhëzimet për përfitimin e kësaj ndihme financiare.

/Urgjent