Mickoski: Jam i kënaqur nga 100 ditët e para të qeverisë

Kryetari i Qeverisë së Republikës së Maqedonisë së Veriut, Hristijan Mickoski, duke iu përgjigjur pyetjes gazetareske nëse është i kënaqur nga 100 ditët e para të Qeverisë së re nga sektori i shëndetësisë, theksoi:

“Jam absolutisht i kënaqur dhe këtë e thamë në fillim të kësaj konference për shtyp. A mund të bëhet më mirë? Gjithmonë mundet më mirë, çdokush mundet më mirë, ne të gjithë mundemi më mirë, dhe ky është thelbi i Qeverisë të jetë më mirë nga dita në ditë se dita e mëparshme. Dhe kështu do të jetë, deri sa të jetë kjo Qeveri”.

Ai vlerëson se gjithçka që ishte problem në shoqëri është zhdukur ngadalë por sigurt, nuk është më dhe absolutisht është shumë më mirë.
“Nuk ka më skandale, nuk ka kushërinj, vëllezër, nipa dhe ngjajshëm. Nuk ka djem pa mjekër që ecin nëpër institucione me çanta e të ngjashme dhe janë investitorë kryesorë në njësitë tregtare dhe afariste në qendrat e qyteteve në të gjithë shtetin.

Nëse ka të tillë, i bëj thirrje opinionit dhe njerëzve që janë viktima të mashtruesve të tillë të raportojnë. Ndaj mendoj që dalëngadalë por sigurt çdo gjë që ishte problem në shoqëri nuk është më, nuk them se është zgjidhur, nuk mund të zgjidhet gjithçka për 100 ditë.

Ne nuk jemi magjistarë dhe nuk kemi premtuar magji apo mrekulli, sepse ai që premton mrekulli dhe magji nuk thotë të vërtetën. Por a është më mirë? Është absolutisht shumë më mirë. A mund të jetë më mirë se kjo? Mund të bëhet më mirë çdo ditë.

Nëse ma bëni këtë pyetje pas dy vitesh për dy vitet e para, do t’ju them se ishte mirë, por mund të ishte më mirë. Pra, qëllimi është që çdo ditë të jetë më e mirë se dita paraprake. A do të bëjmë ndonjë gabim pa dashje, edhe kjo do të ndodhë. Sepse një njeri që punon ndonjëherë bën gabime. Por ai që nuk bën asgjë nuk mund të ketë gabim. Pra, është e rëndësishme që të mos ketë gabime katastrofike, që të mos ketë gabime që do të kenë implikime afatgjata”.

Kryetari i Qeverisë, Mickoski theksoi se është mjaft i kënaqur me atë që është arritur këto 100 ditë dhe shtoi:
“Do t’ju kujtoj, do ta përsëris edhe një herë, duhet t’i përsërisim këto gjëra. Llogaria e Qeverisë më 24 qershor 2024, për herë të parë në historinë e Maqedonisë së pavarur, ishte minus 200 milionë euro, minus 12 miliardë denarë. Këtë muaj presim që të jetë në zero pozitive. Ja pra kjo është ajo të cilën ne punuam. Sërish do ta them, a është mjaftueshme kjo? Jo! Nesër do të jetë më mirë, për një muaj do të jetë më mirë, për një vit do të jetë më mirë.

A mundej më mirë? Me siguri se po! A mundej më keq? Mundej! E kemi parë se çfarë është, menaxhimi i keq me shtetin. Kështu që jam jashtëzakonisht i kënaqur me punën e ministrit dhe me atë që po ndodh në këto 100 ditët e para, duke pasur parasysh situatën që kemi gjetur”

/ts