Bebe Rexha shfaqet duke qarë, thotë se u kërcënua në aeroport vetëm pse foli shqip..(VIDEO)

“Mbikëqyrësi në fluturimin e “Lufthansa” është është duke më kërcënuar mua”, janë fjalët që dëgjohet duke thënë Bebe Rexha në videon ku ajo shfaqet duke qarë, përcjell TV21. Këngëtarja shqiptare me origjinë nga Maqedonia e Veriut thotë se asaj iu refuzua fluturimi pasi foli në gjuhën shqipe.

“Lufthansa, jam kërcënuar sepse mendova se agjenti i sigurisë ishte shqiptarë. I fola në shqip duke e pyetur se ku duhet ta marrë biletën, dhe tani po ma ndalon mua fluturimin”, shkruhet në videon e publikuar nga këngëtarja.

Më pas, ajo reagoi sërish përmes një shkrimi në Instastory, duke shkruar:
“Mendoj se është një krim urrejtjeje sepse jam shqiptare. Ai nuk më la që t’ia marrë emrin. Vazhdoi duke më abuzuar mentalisht, për të më bërë të ndihesha që ai është më i fuqishëm sesa që ishte.

Asnjëra nga gratë në Lufthansa nuk ndërhyri dhe nuk tha gjë. Nuk ma dha emrin. Por sapo mora vesh që punon për ATSG, një kompani shërbimesh për kontroll të dokumenteve që është angazhuar nga Lufthansa”, shkruan Rexha.

Artistja ka qenë në Riad të Arabisë Saudite, pasi ka qenë e ftuar për të performuar në festivalin ‘MDL Beast’, dhe ishte duke u kthyer për në shtëpi, në Los Angeles – kur ndodhi ky incident.

VIDEO:

/tv21