Myftinia e Kërçovës shpreh ngushllime për ndarjen nga jeta të Albion Sejdinit

“Të Allahut jemi dhe vetëm tek Ai është kthimi ynë… “(Kuran)
Me dhimbje dhe pikëllim pranuam lajmin e largimit nga kjo botë të të riut Albion Sejdini nga fshati Tuhin.
Albionin, opinioni do ta mbajë mend për buzëqeshjen dhe energjinë që reflektonte tek të gjithë që rrinin bashkë me të.

Albi, ishte një aktivist i pashoq në jetën shoqërore. Atë e gjeje në çdo aktivitet për të mirë të vendit të tij.
Së fundmi, me energji dhe vrull të madh, bashkë me vllezërit Besartin dhe Shpëtimin, ishte pjesë e ekipit vullnetar gjatë renovimit në Xhaminë e fshatit Tuhin.

Në emër të Myftiut Qamil ef. Rushiti, Këshillit të Myftinisë, imamëve dhe gjithë Xhematit Kërçovar, prindërve, vllezërve dhe gjithë familjes Sejdini, iu shprehim ngushëllimet e sinqerta, duke lutur Allahun e Madhërishëm, që Albin ta takojmë në Xhennetet e Allahut Fuqiplotë.

Allahu xh.sh. iu dhuroftë sabër familjes dhe shoqërisë!
Me dhimbje dhe pikëllim;
Myftinia e Kërçovës