Kërçovari nga dritarja kishte hedhur marihuanë pasi e ndaloi Policia !

Zyra e Jashtme e Çështjeve Kriminalistike në Kërçovë ka paraqitur kallëzim penal kundër D.D. (48) nga Kërçova, për shkak të dyshimeve të bazuara për kryerjen e veprës penale “Prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve”.

Rasti lidhet me një kontroll policor të kryer më 3 mars 2026, në rrugën magjistrale A2. Gjatë kontrollit, nëpunësit policorë kanë ndaluar një automjet të udhëtarëve të tipit “Volkswagen Golf”, në të cilin 48-vjeçari ndodhej si bashkudhëtar.

Sipas njoftimit policor, D.D. dyshohet se kishte hedhur marihuanë nga dritarja e automjetit. Lënda narkotike më pas është gjetur nga policia dhe është sekuestruar.

Ndaj 48-vjeçarit është paraqitur kallëzim penal për veprën e lartpërmendur. Në informacionin e dhënë nuk është specifikuar sasia e marihuanës së sekuestruar.

/mvr