Kryetari i Kërçovës Fatmir Dehari shpreh ngushllime familjes Ajroja

Shumë njerëz të dashur kanë kaluar në amshim dhe kanë lënë zbrazëtirë në hapësirën tonë. Dhe sot që mora lajmin se ka ndërruar jetë miku im, dashamiri im Rushit Ajroja, ka shtuar tejmase dhimbjen.

Ai pasqyronte karakterin e vet me zemrën mal, me dashurinë për kombin e atdheun, për vendlindjen e për gjithë shqiptarinë. Shpirti i tij ishte i stërmbushur me humanizmin e detit të pafund. Priste e përcillte shokë. Ishte e pamundur të fluturosh tej oqeanit e ta anashkalosh konakun e Rushitit, konak që ishte dhe mbetet sinonim i bashkimit të komunitetit shqiptar.

Siç ishte vetë i virtytshëm, të tillë po i lë trashëgimtarët e vet Bledianin dhe Blertën.
Ndaj u shpreh ngushëllimet e mia të thella fëmijëve, familjes Ajroja, farefisit dhe gjithë bashkëvendasve tanë në SHBA e kudo në Evropë. Rushitin Zoti e bëftë banor të xhennetit!
Shkruan kryetari i Kërçovës Fatmir Dehari në facebook.

/ms