Kërçovë, edhe pishina është lënë në gjysmë..! Jo vetëm spitali..(VIDEO)
Jo vetëm spitali, në Kërçovë edhe pishina ka mbetur në gjysmë. Vera 2023 gati po kalon ndërsa, kërçovarët në këto ditë të nxehta nuk arritën të freskohen në pishinën e cili filloi të ndërtohet në vitin 2020 dhe u la pa përfunduar.
“Ekipi i TV21 sërish ndodhet tek pishina e mbyllur e Kërçovës e cila ka filluar të ndërtohet në vitin 2020. Duhej të përfundonte për një afat shumë të shkurtër por, edhe pse jemi në vitin 2023 dhe për disa muaj futemi në vitin 2024, ky projekt nuk është përfunduar.
Në maj të këtij viti nga Agjencia për Rini dhe Sport i tha TV21 se brenda një jave do të fillojnë punimet por, edhe pse kanë kaluar dy muaj e gjysmë nuk ka lëvizur asgjë nga rifillimi i punimeve. Janë vendosur vetëm penelat anësore dhe mbulesa dhe është vendosur vetëm faza e betonit asgjë tjetër nuk është lëvizur”, raporton Salije Sadiku- gazetare e TV21.
Pishina e mbyllur në Kërçovë e para e këtij lloji është një investim nga Agjencia për Rini dhe Sport, projekt ky i cili kap vlerën e 43 milion denarëve. TV21 në maj të këtij viti kur raportoi për këtë pishinë kërkoi qëndrim nga Agjencia për Rini dhe Sport për të parë se përse kanë ngecur punimet. Nga atje na thanë se kompania që ka tenderin ka pasur disa probleme. Zv/drejtori i kësaj agjencie Isak Lazami premtoi se shumë shpejtë do të fillojnë punimet, por ky premtim edhe siç duket u realizua.
“Kompania e cila po ndërton pishinën e mbyllur në Kërçovë, ka pasur problem andaj janë zvarritur punimet deri në këtë pikë. Ju informojmë se jemi në kontakt të vazhdueshëm me kompaninë dhe pritët që në javët në vijim të fillojnë punimet sërish, pritet që deri në fund të viti pishina të jetë e përfunduar”, dekalroi Isak Lazami-zv/drejtor i agjencisë për Rini dhe sport-(Maj 2023).
Para tre vitesh, për të vënë gur themelet e këtij projekti, kishte ardhur edhe ministri i Ekonomisë, Kreshnik Bekteshi, i cili pishinën e quajti investim që i ka munguar Kërçovës, ndërsa bashkë me kryetarin e Komunës, Fatmir Dehari premtuan realizim edhe më shpejtë se afati i caktuar kohorë. Përfundimi i pishinës ishte i paraparë për 18 muaj.
VIDEO:
/tv21
