Para se me ik prej këtij vendi.! Nga Ramazan Dini
Para se me ik, uluni në nji qoshe e vajtojeni çdo pikë djerse që e keni derdh në këtë vend.
Vajtojeni çdo pikë gjaku të atyre që dhanë jetë, e u bënë “kurban” i kësaj toke.
Ç’malluni me çdo gjë që ju rrethon.
Shijojeni bukën, ujin edhe ajrin e ndotur që na ka mbyt çdo ditë ngapak.
Vajtojeni shtëpinë, rrugët, rininë !
Para se me ik, sigurohuni me u’a mallku çdo taksë, votë, e çdo fije besimi qe u’a keni dhënë atyre që sot po u përzënë prej pragut t’juj.
Mallkoni ata që u’a kanë shkel andrrat e u’a kanë “rjep” shpresat!
Besa mallkoni edhe trupin tuaj që e ka duru çdo maltretim psiqik e fizik prej pushtetit!
E dini edhe ju, s’po shkoni në parajsë. Por të paktën pasardhësve tuaj u sigurohet arsimi, shëndetësia dhe çdo e drejtë njerëzore.
Këtu as unë as ti s’kemi vlerë, të paktën jo për ata që u’a kemi besu gjënë më të shtrenjtë, atdheun.
Para se me ik, lirojeni veten nga çdo helm që u’a kanë injektuar në trup 21 vitet e fundit.
Ps; Ik, por mos harro me u kthy se “askujt nuk i shkon kungulli mbi ujë gjithmonë” e as këtyre…
/ms
