Kërçovë: Rruga e Osllomesë me gropa dhe mbeturina..(VIDEO)

Kjo është rruga rajonale Kërçovë-Osllome e cila lidh qytetin me fshatrat e ish-komunës së Osllomesë.
Në këtë rrugë janë formuar gropa të mëdha të cilat e pengojnë komunikacionin, ndërsa kjo që po shihni në pamje, sapo sanohet bie sërish.

Gjendja nuk është më e mirë as gjatë pjesës tjetër të rrugës ku shihet qartë se sanimet e bëra janë hapur sërish nga pesha e rëndë e kamionëve të termoelektranës së Osllomesë.

“Ndodhemi në rrugën regjionale Kërçovë-Osllome, në këtë rrugë janë hapur disa gropa të mëdha, ndërsa kjo para meje qëndron si e tillë gati gjithë kohës edhe pse sanohet ajo sërish hapet, në këtë rrugë kalojnë kamionët e Termoelektranës së Osllomesë të cilat bartin qymyr, ndërsa banorët kërkojnë që autoritet ta sanojnë ose ta rregullojnë rrugën siç duhet sepse vetëm me sanime të këtilla rruga vazhdon të qëndrojë gati çdo herë e shkatërruar”, raporton gazetarja e TV21, Salije Sadiku.

Disa banorë na thanë se sipas një marrëveshje, rrugën duhet ta mirëmbajë termoelektrana. Nga “TEC Osllome” thonë se kompetente për ndërtimin e rrugës është ndërmarrja shtetërore “Makedonija Pat”, nga të cilët kërkuam qëndrim, por tashmë disa ditë askush nuk përgjigjet për rikonstruktimin apo ndërtimin e rrugës..

E rruga nuk është problem i vetëm në këtë anë, por edhe pluhuri i madh që krijohet nga punimet e kamionëve të Termoelektranës së Osllomesë.
Ndërsa rreth rrugës po krijohen deponi të mëdha, që sapo pastrohet njëra, hapet tjetra.

Rreth rrugës mund të shohësh mbetje ndërtimore, pajisje shtëpiake dhe gjithçka tjetër të cilat kundërmojnë erë shumë te keqe.
Nga Ndërmarrja Komunale e Kërçovës thonë se disa herë e kanë pastruar zonën dhe kanë vendosur edhe mbrojtëse me mbishkrim për mos hedhje të mbeturinave por pas një jave ata sërish hasin në situatën e njëjtë me mbeturina të hedhura kudo rreth rrugës.

VIDEO:

/tv21