Stacion i prodhimit të energjisë me erë në Kërçovë por..! (VIDEO)

Në Kërçovë do të ndërtohet një stacioni i prodhimit të energjisë me erë, me një kapacitet prej 35 MW. Ky stacion do të vendoset 12 kilometra larg qytetit të Kërçovës, në afërsi të Dushegubicës dhe Dorbonoecit, ndërsa do të kalonte shumë afër burimit “Studençica”, i cili furnizon me ujë pesë rajonet e vendit.

Megjithëse u zhvillua një debat publik, qytetarët nuk ishin të informuar për të dhënë vlerësimin e tyre. Në debat morën pjesë vetëm këshilltarë të Komunës së Kërçovës, të cilët shprehën shqetësimin e tyre në lidhje me ndikimin e mundshëm të këtij projekti në burimin “Studençica”, i cili ka rëndësi të veçantë për Kërçovën. Ky projekt u nis në vitin 2011, por u anulua pikërisht për shkak të ndikimit të mundshëm në burimin “Studençica”. Sot, projekti po merr përsëri vëmendje dhe po konsiderohet për të realizuar.

“Sa jam i njoftuar në ligjin për mbrojtje të ambientit jetësorë nuk ka ndonjë përmasim nga viti 2011 deri në vitin 2023, pra cilat janë arsyet që të sillet një vendim I tillë, për shkak se nëse deri mbrëmë përpara se të sillej ky vendim në 2023 ka qenë e ndaluar dhe shumë në mënyrë decide dhe precizë thuhet çka është e ndaluar që të bëhet në ata zona të mbrojtura, ku është edhe lëvizja e kufizuar , dmth çka është ndryshuar për tu sjellë një vendim i këtillë?”- deklaroi llaze Jakimovski-keshilltar i VMRO-DPMNE-së.

E për shqetësimin e këshilltarëve në lidhje me këtë investim dhe mbrojtjen e burimit “Studençica” ekspertja e ambientit jetësorë Menka Spirovska tha se nuk do të ketë dëmtime të burimit që furnizon me ujë këtë rajon dhe nëse ndodh një gjë e tillë do të mbajë përgjegjësi investuesi dhe ministria e ambientit jetësorë.

“Ne të gjithë jemi të vetëdijshëm se në çfarë terreni po ndërtohet projekti dhe të gjithë së pari ecim nga ai aspekt. Kemi terren të vështirë ku duhet të marrim masat më rigoroze për mbrojte dhe nga atje shpresojmë që të gjithë së bashku të qëndrojmë pasa investitorit dhe gjithë të tjerëve. Duhet të jenë në mënyrë rigoroze të aplikuara të gjithë masat që të mos ketë ndikim mbi hidrosisitemin”- tha Menka Spirovska- eksperte e ambientit jetësor.

Ky sistem do të jetë 12 km larg qytetit të Kërçovës, do të përfshijë 29,3 hektarë me një gjatësi 7 km dhe do të vendosen 7 turbina ere ku do të ketë kapacitet 35kw energji elektrike. I gjithë ky projekt ndërtohet në pronë shtetërore dhe pas përgatitjes së dokumentacionit dhe fillimit të punimeve d të marrë diku 2 vite për tu ndërtuar.

VIDEO:

/tv21