Kërçovë, disa nxënës udhëtojnë 3 km për në shkollë..! (VIDEO)

Ditë më parë në TV21 u publikuan pamjet e nxënësve të Kërçovës të cilët kalojnë rrugën magjistrale çdo ditë për të shkuar në shkollë. Ata ndjehen të rrezikuar nga automjetet të cilat lëvizin me shpejtësi të madhe. Këta fëmijë çdo ditë udhëtojnë mbi 2.5 km për të arritur nga lagja Meksiko deri në SH.F. “Sande Shterjoski”. Prindërit kërkojnë që Komuna e Kërçovës të sigurojë transport për nxënësit.

“Të vetmen gjë që e kërkojmë është transporti, kemi qenë edhe tek mësuesit në shkollë edhe tek drejtori, por nuk ka asnjë përmirësim, na thanë se do të ketë transport por nga ajo asgjë. Kërkojmë nga kryetari i Komunës që të na sigurojë transport për këtë lagje, këtu ka mjaftueshëm fëmijë që mësojnë nga çdo shtëpi ka nga 3-4 fëmijë, ata fëmijë duhet ta ndjekin mësimin çdo ditë, ndërsa kur bie shi ne nuk mund t’i dërgojmë se shkojnë në këmbë ka edhe qen në rrugë”

“Unë personalisht kam qenë. I mblodha të gjithë prindërit, kam qenë tre herë deri tek drejtori i thash se nga lagjja Meksiko rruga “Partiznaksi Odredi” deri tek “Sande Shterjoski” ka 3 km, deri tek Agrokopi ke 3,5 km unë kam tre fëmijë që mësojnë atje”

“Si prindër jemi shumë të shqetësuar dhe kërkojmë që të na sigurojnë transport për fëmijët tanë sepse me të vërtet ka shumë qen, shkollën e kemi shumë larg dhe ne nuk mund t’ju sigurojmë që çdo ditë ti dërgojmë me vetura ose taxi, ka shumë fëmijë këtu që mësojnë me dy ndërrime dhe kërkojmë të na lëshojnë transport për fëmijët tanë”

Siç pohojnë prindërit nga kjo lagje janë rreth 100 nxënës të cilët shkojnë në shkollë në dy ndërrime. Në këtë lagje deri para katër vitesh ka pasur transport për nxënësit, por tanimë nuk ka.

Ligji e parasheh që nxënësit të cilët udhëtojnë 2km u takon transport nga lagjja ku jetojnë e deri në shkollë. Nga sektori për Arsim në Komunën e Kërçovës i thanë TV21 se prindërit me shkrim nuk kanë bërë asnjë kërkesë për transport të nxënësve të kësaj lagje.

Ndërsa prindërit pohojnë se një kërkesë të këtillë e kanë bërë gojarisht edhe në shkollë edhe në Komunë.
“Tre herë kam qenë deri tek drejtori dhe e kam pyetur, pse nuk lëshon transport për fëmijët rom, ai me thotë shko në komunë dhe merreni vesh me kryetarin “

Problemi më të cilën përballen këta fëmijë çdo ditë janë edhe qentë endacak të cilët janë të shumtë në numër dhe gati çdo të dytën ditë kafshojnë ose trembin fëmijët të cilët udhëtojnë në këmbë për në shkollë.

Ditë më parë kryetari Komunës Kërçovës Fatmir Dehari sa i takon kapërcimit të magjistrales nga ana e fëmijëve tha se është nënkalimi që ka bërë komuna megjithatë që nxënësit ta kanë më lehët ai tha se Ndërmarrjet Publike “Rrugët Shtetërore” duhet të investojnë për të ndërtuar një mbikalim për këmbësorët.

VIDEO:

/tv21