Koncerti madhështor i Fitër Bajramit (FOTO)
Mbrëmë, në Pallatin e Kulturës në Kërçovë, me sukses u realizua Koncerti i Madh i Fitër Bajramit, nën organizim të Bashkësisë Fetare Islame – Myftinia e Kërçovës, dhe nën përkujdesje të veçantë të kreut të BFI-së, hfz. Shaqir ef. Fetai.
Programi u hap me lexim të Kuranit Famëlartë nga hfz. Daut Lezi, më pas, Myftiu i Kërçovës, Qamil ef. Rushiti, përshëndeti dhe falenderoi Rijasetin dhe Reisin e Bashkësisë Fetare Islame, drejtuesit e Institucioneve, të pranishmit dhe donatorët, duke vënë në pah vlerën dhe rëndësinë e kësaj Feste të Madhe.
Reisul Ulemaja, gjithashtu foli për vlerën e unitetit dhe bashkëpunimit në të mirë, duke theksuar se Islami si fe, i ofron këto vlera, gjatë ditëve festive dhe jo vetëm.
Programi pasoi me kollazh ilahishë nga Kori Isa Beg nga Pazari i Ri, më pas Selma Bekteshi nga Shkodra, pas saj, zëri emocionues i vogëlushit Qemal Emini, dhe në fund me hafizin e mirënjohur Burhan Shaban.
Në fund për të gjithë mysafirët u ndanë edhe mirënjohje që ishin në mesin tonë.
Allahu i shpërbleftë donatorët, ekipën punuese dhe të gjithë që ishin prezent gjatë çasteve festive.
FOTO:
/ms
