Ajvazi nga Kërçova ka nevojë për ushqim, veshje dhe para për ilaçe..! (VIDEO)
Ky është Ajvaz Vrangalla është nga fshati Cërvicë i Kërçovës.
Jeton i vetëm. Ka disa dhi të cilat i ruan dhe kalon kohën me to, ndërsa në fushë ka ndërtuar një kasolle dhe më shumë jeton aty.
Fshatarët i kanë ndërtuar një shtëpi me dy dhoma, por Ajvazi shumë pak qëndron atje sepse bagëtitë i ka në fushë dhe qëndron te kasollja për t’i pasur me aftër.
E siç mund të shihet shtëpia që i kanë ndërtuar bamirësit është shkatërruar ngase askush nuk kujdeset për të.
Ajvazi thotë se njerëzit e kanë ndihmuar. Merr edhe ndihmë sociale mujore, por thotë se është e pamjaftueshme.
“Kam 20 dhi dhe kujdesem për ata për qejf sa të humbi kohën jo që kam ndonjë përfitim por kam qenë çoban gjithë jetën dhe jam mësuar. Një shtëpi më ka ndërtuar fshatarët jam i kënaqur më kanë ndërtuar dy dhoma kush ka pasur mundësi më ka ndihmuar.
Sadik Emroja më ka ndihmua shumë edhe pension edhe gjëra shumë më ka ndihmuar edhe Xani Hilit me restorantin shumë më ka ndihmuar”, tha Ajvaz Vrangalla.
Ajo çka më shumë i mungon Ajvazit është ushqimi i ngrohtë, rroba më të mira si dhe më shumë para për ilaçe dhe kontrolle mjekësore.
“Për momentin pare duhen për të shkuar në mjek, me shtypjen nuk jam mirë kam qenë në mjek më ka dërguar nipi disa herë gjatë gjithë dimrit. Gjithë jetën jetoj kështu vetë, me skamje”, pohoi Ajvaz Vrangalla.
Si Ajavazi ka shumë të tjerë që jetojnë vetëm dhe pa kushte të mira, ndërsa në Kërçovë nuk ka asnjë shtëpi pëlqesh që personat si Ajvazi të strehoheshin aty për të pasur një pleqëri të qetë.
VIDEO:
/tv21
