“Komunalja” pastron lagjen në Kërçovë..! (VIDEO)

Pastrohet një pjesë e lagjes “Sollunska” në Kërçovë për papastërtinë e së cilës TV21 raportoi ditë më parë, kur mbeturinat e kishin “pushtuar” këtë lagje të qytetit, e madje duke penguar edhe rrjedhën e lumit.

“Pasi banorët e lagjes “Sollunska” reaguan nëpërmjet TV21 për papastërtinë në hyrje të lagjes së tyre dhe ndalimit të rrjedhës së lumit për shkak të mbeturinave të hedhura, Ndërmarrja Komunale intervenoi dhe pastroi këtë lumë dhe një pjesë të lagjes.

Megjithatë banorët thonë se ka edhe pjesë të tjera të lagjes të pa pastruara dhe kërkojnë nga qytetarët të mos hedhin mbeturina, ndërsa nga Ndërmarrja Komunale kërkojnë që të vendosen rregulla për personat të cilët hedhin mbeturina”, raporton Salije Sadiku-gazetare e TV21.

Zonja e cila kishte hallin më të madh nga devijimi i lumit për shkak të mbeturinave, shprehet e kënaqur që pas kaq shumë kohësh lagjja u pastrua.

“Ndërmarrja kalon, ndërsa banorët e sjellin me karrocë i hedhin këtu mbeturinat, për farë nevojë i hedhin këtu. Ndërsa kështu është bërë bukur, faleminderit për këtë që bënë d.m.th. hallall ju qoftë dhe fola me at kryesorin që ishte këtu tha se do ta rrafshojnë këtë të mos ketë gropa dhe më tha se do të sjellë kamionë dhe buldozerë dhe do ta rrafshojmë”

Apeloi bashkëqytetarët që të ndërgjegjshëm dhe të mos hedhin më mbeturina.
“Qytetarëve ju kërkojë të jenë human dhe të jenë të mirë të mos hedhin më këtu mbeturina dhe raste të këtilla të mos ndodhin më”

Nga Ndërmarrja Komunale e Kërçovës thonë se do të vazhdojnë me pastrimin e mbeturinave edhe në lagje tjera të qytetit duke apeluar deri tek qytetarët që të mos hedhin mbeturina vend e pa vend.

VIDEO:

/tv21