Dehari: Kërçovën e kam dekoruar me realizimin e projekteve..(VIDEO)

Kryetari i komunës së Kërçovës, Fatmir Dehari, i ftuar sonte në emisionin “Click Plus” në TV21 tha se qytetin e Kërçovës kanë vendosur të mos e dekorojnë as këtë vit.

Sipas tij, vitet e kaluara nuk e kanë dekoruar për shkak të Kovidit, ndërsa këtë vit për shkak të krizës energjetike dhe nuk ka të bëjë me çështje fetare.

Por, ai potencoi se mbi të gjitha Kërçovën e ka dekoruar me realizimin e projekteve në këtë qytet.

“Kërçovën e kam dekoruar me realizimin e projekteve. Një dritë më pak apo më shumë nuk ka rëndësi, ajo që ka rëndësi është të mbajmë premtimet. Por megjithatë, edhe vite më përpara nuk e kemi dekoruar, edhe këtë vit duke vlerësuar krizën energjetike kemi vendosur të mos e dekorojmë.

Nuk është çështje fetare, por ka të bëjë me kursimin e buxhetit dhe krizën energjetike. Ndërsa dy vitet e fundit ka të bëjë me Kovidin.”- tha Dehari.

VIDEO:

/tv21