Dehari: Autostrada Kërçovë-Ohër ka 8 vjet ngecje, drejtori është shqiptar..! (VIDEO)

Kryetari i komunës së Kërçovës dhe njëherazi anëtar i Kryesisë së BDI-së, Fatmir Dehari, i ftuar sonte në emisionin “Click Plus” në TV21 tha se autostrada Kërçovë-Ohër ka 8 vjet ngecje dhe kjo është një fatkeqësi e madhe.

Dehari tha se bile kjo është e pafalshme duke parë se drejtori i Rrugëve të Maqedonisë është shqiptar dhe ku pritej një realizim më i madh i projekteve, ka ndodhur e kundërta, ka pasur ngecje.

“Autostrada Kërçovë-Ohër ka ngecje 8 vjet. Dhe kur ne shpresuam që më së shumti me marrjen e kësaj drejtorie, duke pasur edhe ministrat kyçë shqiptarë, dhe të jetë përqindja e realizimzit të punëve tona 3 për qind, kjo është një fatkeqësi.

Nëse kjo do të zgjasë akoma, do të jetë një fatkqësi e madhe. Po të isha unë në këtë përqindje të realizimit, unë do të kisha dhënë dorëhqeje.”- tha Dehari.

VIDEO:

/tv21