Një vjet nga tragjedia në Bullgari..!

Sot mbushen 1 vjet nga tragjedia me autobus në autostradën “Struma” në Bullgari, ku jetën e humbën 45 qytetarë të Maqedonisë së Veriut, përcjell TV21.

Gjatë kthimit nga Stambolli drejt Shkupit, rreth 30 kilometra afër Sofjes, një prej autobusëve të agjencisë “Besa Trans”, humbi kontrollin dhe u fut mes dy bankinave të autostradës, duke e bërë të pamundur që të hapen dyert.

Dëshmitarët e asaj ngjarje, përfshirë edhe disa prej të mbijetuarve, patën rrëfyer se fillimisht kanë dëgjuar shpërthim të fuqishëm prej pjesës së përparme të autobusit, e më pas autobusi është kapluar nga flakët, duke ua marrë jetën 45 personave, ndërsa vetëm 7 arritën që të shpëtojnë.

Sipas autoriteteve bullgare, arsyeja për tragjedinë është se shoferi e ka humbur kontrollin dhe ka lëvizur me shpejtësi të papërshtatshme.

Pas kësaj, prokuroria a Shkupit më 5 shtator 2022 ngriti aktakuzë kundër pronarit të Kompanisë “Besa Trans Shkup”, për falsifikim të licencës për transport ndërkombëtar të udhëtarëve.
Procesi gjyqësor kundër pronarit dhe kompanisë ende po vazhdon, ndërsa pronari është shprehur se nuk ndihet fajtor.

/tv21.tv