A do të përfundojë vërtetë autostrada Kërçovë-Ohër në 2023-tën..? (VIDEO)
Para katër viteve ish-kryeministri Zoran Zaev ishte në tunelin e autostradës Kërçovë-Ohër për të kryer inspektimin e punimeve.
E sot në të njëjtin tunel inspektime kreu pasardhësi i tij, Dimitar Kovaçesvki, bashkë me kabinetin qeveritar.
Kryeministri thotë se autostrada Kërçovë-Ohër do të përfundojë në fund të viti 2023, e këtë e thënë duke u bazuar në kontratën e nënshkruar dhe jo në punimet që po zhvillohen në teren.
“Mua shumë herë më kanë pyetur nëse jam optimist, sepse për të qenë i sigurt në diçka duhet të jesh optimist dhe unë jam një optimist racional, kjo do të thotë se besoj në arritjen e qëllimit dhe punoj që ai qëllim të realizohet, kështu ka qenë deri më tani me të gjitha punët që i kam deklaroi Dimitar Kovaçevski-kryeminsitër
Ministri i Transportit dhe Lidhjeve BIlagoj Boçvarski, kur u pyet për përfundimin e autostradës, tha se duhet të jemi optimist se do të përfundojë në afatin e paraparë, por pa dhënë detaje se çfarë do të ndodh nëse shkelet edhe ky afat.
“Të jemi optimist për shkak të asaj se këtu janë të gjitha kapacitet e shtetit të gjithë inxhinierët tanë dhe inxhinierët e ndërmarrjes publike, mbikëqyrësit që punojnë çdo ditë në teren”- Bllagoja Boçvarski, Ministër i Transportit Dhe Lidhjeve.
Drejtori Ejup Rustemi mohon zërat se kompania “Sinohidro” ka kërkuar shtyrjen e afatit të përfundimit të autostradës deri në vitin 2026.
“Nuk është e vërtetë, ne kemi permanent komunikim me kompaninë “Sinohidro”, po gjithashtu edhe më nënkontraktorët që i ka angazhuar edhe kompania “Sinohidro” dhe ne kemi marrëveshjen e cila është deri në 31.12.2023″- tha Ejup Rustemi, drejtor i NP “Rrugër Shtetërore”
Kujtojmë se që nga fillimi i punimeve në këtë autostradë janë ndërruar 4 qeveri, ndërsa afati për përfundimin e saj së fundmi është dhënë fundi i vitit 2023. Kujtojmë se tuneli që u vizitua sot është tuneti më i gjatë në Maqedoni.
VIDEO:
/tv21
