Intervista me Fatmir Deharin, kryetarin e parë shqiptar të Kërçovës (VIDEO)

Të hënën në emisionin “LIBERO” ishte një nga personalitet që ka bërë histori, sepse pas më shumë se 70 vjetësh është zgjedhur kryetari i parë i komunës së Kërçovës, Fatmir Dehari.

Në lidhje me zgjedhjen e tij si kryetar i komunës së Kërçovës pas kaq shumë viteve, ai tha se ka pasur fat në këtë aspekt.

“…Historia u takon qytetarëve shqiptarë, në përgjithësi sakrifica e atyre brezave që kanë kontribuar, ndihmuar dhe rrezikuar në periudha të ndryshme kohore, Kërçova kthehet aty ku e ka pasur vendin, në këtë rast mund të jem unë me fat që jam zgjedhur Kryetari i parë shqiptar…”, tha Dehari.

Në lidhje me atë se a po e ofron më të mirën në lidhje me atë komunë, Dehari potencoi se mundohet që në këtë rast të dalë nga vetja dhe të jetë qytetar i rëndomtë, e jo kryetar komune dhe është i kënaqur me reagimin e qytetarëve.

“…Në fillim kishim shumë më pak vota, në mandatin tjetër shumë më shumë, dhe në një mënyrë ky është një reflektim i qytetarëve që janë të kënaqur (me mua)…”, shtoi ai.
Për ta shikuar intervistën e plotë të Fatmir Deharit, klikoni në videon e mëposhtëm:

VIDEO:

/atv