Bekteshi paralajmëron kontroll direkte në markete..!

-Nuk do të lejojmë që të ketë keqpërdorim të krizës në kurriz të konsumatorëve, në këtë rast të qytetarëve.

Këtë e deklaroi sot ministri i Ekonomisë Kreshnik Bekteshi i pyetur se kur do të pritet ulja e çmimit të produkteve bazë, marrë parasysh vendimet e fundit të Qeverisë, përcjell TV21.

Bekteshi paralajmëroi se do të ketë kontrolle të drejtpërdrejta në markete, për të analizuar nëse kanë ulur çmimet, sipas vendimeve të ekzekutivit.

“Këtë javë do të bëjmë një analizë direkt dhe fizikisht në supermarkete, përveç asaj që e bëjmë përmes prodhuesve vendorë. Në bazë ditore i marrim të dhënat e çmimeve e importimeve të atyre produkteve që janë nënvizuar në vendim nga ana e Drejtorisë së Doganave.

Gjatë kësaj jave do të raportojmë për përqindjen e uljes së çmimeve të produkteve që janë ulur dhe kompanive që e kanë bërë.

Inspektorati Shtetëror i Tregut tashmë është duke punuar në përputhje me Ligjin e ri për Mbrojtjen e Konsumatorit, kontroltet janë intensifikuar dhe dje drejtori tha se janë shqiptuar disa gjoba”, theksoi Bekteshi.

/tv21.tv