Në Kërçovë brenda një dite janë sulmuar tre persona nga qen endacak..

Problemi i qytetarëve të Kërçovës me sulmet e shpeshta nga qentë endacak nuk ndalet dhe vetëm dje nga qentë endacak janë sulmuar tre banorë të qytetit, dy djem të rinj dhe një banor i moshuar.

“Dje M. G. (19) nga Kërçova ka raportuar në stacionin policor kompetent se është kafshuar nga një qen endacak në rrugën “Pirinska” në Kërçovë.

Gjatë të njëjtës ditë, dy sulme të tjera u regjistruan ndaj D. А. (62) i cili është sulmuar në rrugën “4 Korriku” dhe N. I. (23) në rrugën “Janko Mihajloski”, tha zëdhënësi Stefan Dimoski.

Ai tha se SPB-Kërçovë ka paraqitur kallëzim penal kundër V. Ј. (58) nga Shkupi, për shkak të ekzistimit të shkaqeve të dyshimit për kryerjen e veprës penale “keqpërdorim i detyrës dhe autoritetit zyrtar”.

“Raportuesi V. Ј. në cilësinë e menaxherit të personit juridik-përmbarues në bazë të aktgjykimit të Gjykatës Themelore nga Kërçova ka përgatitur shkresën për përmbarim ndaj debitorit G.Sh. nga Kërçova.

Pas vendimit të formës së prerë dhe të ekzekutueshëm të Gjykatës së Apelit në Gostivar, urdhri i përmbarimit është revokuar, theksoi Dimoski.

/zhurnal.mk