Klubi “Uskana” i suksesshëm, por pa mbështetjen e duhur.. (VIDEO)

Klubi karatesë “Uskana” nga Kërçova, në çdo pjesëmarrje nëpër garat vendore e Ballkanike sjellë medalje dhe kupa ari. Në çdo tabelë klubi radhitet në vendet e para. Fitoren e sjell përkushtimi dhe puna thotë trajner i klubit Nexhbi Dervishi.

Si garuese më të suksesshme ai përmend Anastasija Mingovskën, e cila 7 herë ka qenë Kampione shtetërore. Klubi nuk ka sponsor andaj trajnerit i ka mbetur peng pjesëmarrja në Kampionatin Evropian, ku siç tha, Anastasija do të sillte kupën e fitoren në Maqedoni.

“Këtu mund të potencojmë se si garuese më të madhe kemi Anastasija Mingovskën, e cila vitin që e lamë pas për herë të parë garoi në kategorinë e kadetëve ku zuri vendin e parë dhe u përzgjodh që të marrë pjesë në kampionatin Evropian të Finlandës por për shkaqe financiare nuk arriti të marr pjesë në atë kampionat”, tha Nexhbi Dervishi, trajner i klubit të karatesë “Uskana”.

Mingovska në garat shtetërore morri vendin e parë si kadete ku siguroi pjesëmarrjen e saj në Kampionatin Evropian që u mbajt në gusht në Finlandë, por për shkaqe financiare ajo nuk arriti të merrte pjesë për të përfaqësuar Maqedoninë dhe pse jo të kthehej në vendlindje me fitore.

“Në Maqedoni 7 herë jam zgjedhur Kampione shtetërore, ndërsa prej vitin e kaluar jam e para si kadet. PO duhet të shkoja në Finlandë në Kampionatin Evropian por për shkaka të financave nuk shkova, sponsorë nuk kemi dhe për këtë nuk shkova. Shpresoj se herën tjetër do të kem shansin të shkoj”, pohoi Anastasija Mingovska, karatiste.

Karateisti tjetër që ka premisa që në të ardhmen të ngjitet drejt skenave botërore është edhe Nuredin Dervishi. Ai deri më tani ka rrëmbyer 150 medalje të cilat kryesisht u takojnë vendeve të para.

“Kam 150 medalje, ku shumica prej tyre janë të vendit të parë. Mendoj se me punë bëhet gjithçka prandaj jam duke ushtruar çdo ditë sepse kjo është ëndrra ime”, tha Nuredin Dervishi, karatist.

“Në çdo kampionat shtetëror, në çdo kategori në dy disiplina si në Kata ashtu edhe në Kumite zëmë vendet e para dhe të dytat, ku nga shtat anëtar të cilët i kemi kampionë shtetëror, tre anëtar i kemi edhe kampionë ballkanik Anastasija Mingovska, Nuredin Dervishi dhe Tamara Gjurgjinoska, këtu është edhe Blerina Zendeli e cila arriti të plasohet në vendin 5 në Kata dhe vendin e 7 në Kumite”, pohoi Nexhbi Dervishi, trajner i karate klubit “Uskana”.

Klubi funksionon që në vitin 2006 dhe trajner të klubit janë Nexhbi Dervishi dhe bashkëshortja e tij Jetmire Dervishi e cila është edhe refere me licencë evropiane.

VIDEO:

/tv21