Dr. Teuta Dalipi: Goditja në tru nuk pret – çdo minutë mund të shpëtojë një jetë!

Me rastin e 29 Tetorit, Ditës Botërore të Goditjes në Tru, neurologia Dr. Teuta Dalipi, nga Klinika Universitare „Nënë Tereza“ në Shkup, përcjell një mesazh të rëndësishëm për njohjen e hershme të simptomave dhe reagimin e menjëhershëm.

Shenjat kryesore të insultit (FAST):
* F – Face: Asimetria e fytyrës.
* A – Arms: Dobësia e krahut.
* S – Speech: Çrregullimi i të folurit.
* T – Time: Koha është thelbësore

Në këto raste, qytetarët duhet të telefonojnë menjëherë urgjencen 112, pa pritur që simptomat të kalojnë. Shënimi i orës së fillimit të simptomave mund të ndihmojë ekipin mjekësor në trajtim.

Kontrolli i tensionit të gjakut, diabetit dhe kolesterolit, të ushqyerit shëndetshëm , aktiviteti fizik dhe shmangia e duhanit janë hapa të rëndësishëm për uljen e rrezikut.

Mesazhi është i qartë: njohja e shenjave dhe ndërhyrja në kohë mund të shpëtojnë jetë dhe të parandalojnë pasoja të rënda.

/tvgurra