Urime: Uskana Volej e nis kampionatin me fitore bindëse

KV Uskana Volej nga Kërçova e ka nisur me fitore sezonin e ri në Ligën e Dytë të Volejbollit për Femra, duke triumfuar ndaj Bami Korit nga Tetova me rezultat bindës 3:0 në sete (25:8, 25:14, 25:12).

Volejbollistet kërçovare dominuan gjatë gjithë takimit, duke treguar epërsi në të tri setet dhe duke mos i lënë shumë hapësirë kundërshtares për të reaguar.

Fitorja e pastër para publikut vendas është një start premtues për Uskanën në këtë sezon, ndërsa vajzat kërçovare synojnë të vazhdojnë me paraqitje të mira edhe në ndeshjet e ardhshme të kampionatit.

/tvgurra