Zvicra rekord infektimesh shumica që jan këthyer nga jasht..

Zyra Federale e Shëndetit Publik ka raportuar këtë pasdite 3150 raste të reja që ishin testuar pozitive për koronavirusin në 24 orët e fundit, shkruan srf.ch. Kjo e bën mesataren 7-ditore 2019 në ditë që është 85 për qind më shumë se në javën e mëparshme, transmeton albinfo.ch. Me trendin aktual, mesatarja 7-ditore e infeksioneve të reja dyfishohet afërsisht çdo 8 ditë. Incidenca 14-ditore është aktualisht 264.8.

Norma mesatare pozitive 7-ditore aktualisht është 12 për qind. Krahasuar me javën e kaluar, norma pozitive është rritur për 5 pikë përqindje.
Numri i testeve të bëra në një mesatare prej 7 ditësh është 19,919 teste në ditë dhe kështu është rritur për 6 përqind në krahasim me javën e kaluar.

BAG raporton 2 raste të reja të vdekjeve. Mesatarja 7-ditore është 2 të vdekur në ditë.
Ndërkohë, BAG raporton 62 shtrime të reja në spitale, mesatarja 14-ditore e të cilave është 28 shtrime në spital në ditë. Kjo është 45 për qind më shumë se në javën e kaluar.

533 persona aktualisht janë duke u trajtuar në spitale për Covid-19, përcjell albinfo.ch. Shtretërit e kujdesit intensiv në spitalet zvicerane (përfshirë shtretërit ad hoc) aktualisht janë 72 përqind të zënë. Nga këto, 14 për qind janë të zënë nga të prekurit nga Covid 19.

/ms