Zvicër pritet një valë e katërt e koronës..

“Por do të jetë një valë ndryshe nga tri valët nëpër të cilat ka kaluar tashmë Zvicra”, ka theksuar ministri Alain Berset.
Sipas ministrit të Shëndetësisë, Alain Berset, Zvicra nuk do të jetë në gjendje të parandalojë valën e katërt të koronës.
Por do të jetë një valë ndryshe nga tri valët nëpër të cilat ka kaluar tashmë Zvicra, shkruan sda.ch.

Njerëzit më të prekshëm në popullsi, brezi i vjetër, janë të vaksinuar mirë.
Në mesin e tyre, shkalla e vaksinimit është mbi 80 për qind, ka thënë Këshilltari Federal Berset në një intervistë me “Südostschweiz”. Prandaj, kemi një pikënisje ndryshe nga më parë.

Por është e rëndësishme që shumë më tepër njerëz të vaksinoheshin në Zvicër, transmeton albinfo.ch. Berset u është drejtuar veçanërisht njerëzve nën moshën 50 vjeçe.
Situata aktualisht është nën kontroll, ka thënë ai. “Por numrat do të vazhdojnë të rriten në të ardhmen e afërt”.

Është e vështirë të thuhet nëse personave të vaksinuar u duhet një dozë e tretë për të rifreskuar mbrojtjen e tyre.
“Por është e sigurt që ky vendim nuk do të merret nga kompanitë farmaceutike”, ka shtuar Berset.

/albinfo