Kërçovë: Arrijnë 500 vaksina, priten listat e mjekëve amë..

Në Shtëpinë e Shënddetit në Kërçovë kanë arritur 500 vaksinat e para të cilat do të përdoren për vaksinimin e grupeve prioritare që do të caktohen në listat e mjekëve amë. Qendra spitalore e Kërçovës ka zhvilluar përgaditjet përfundimtare me ekipet e trajnuara për fillimin e vaksinimit në komunën e Kërçovës.

Dje kanë arritur 500 vaksinat Astra Zeneka të cilat janë sistemuar në mënyrën e duhur dhe janë të gatshme për përdorim sipas listave me grupet prioritare që do të formohen nga mjekët amë, thotë drejtori i Shtëpisë së Shëndetit Dr. Xhabir Bajrami.

Situata epidemiologjike në Kërçovë është rënduar dukshëm gjatë javës së fundit. Ka një rritje të infektimeve dhe dy pacientë të vdekur, ndërkohë që edhe hapësirat Kovid Qendrës në Kërçovë janë të mbushura me pacientë të infektuar me Kovid 19. Prandaj Bajrami u apelon qytetarëve që të respektojnë masat e rekomanduara preventive kundër pandemisë globale.

/al.mrt.com.mk