Kërçovë ja çka thonë qytetarët për masat e reja (VIDEO)

Ora 23h00. U mbyllën të gjithë lokalet në Kërçovë. Disa minuta para se të mbyllen, rrugët e qytetit u mbushën me vetura.
Mbylljen e lokaleve në orën 23h00 e solli qeveria me masat e reja kundër koronavirusit.
Pronarët e lokaleve mendojnë se kjo masë është e pa nevojshme pasi që pas orës 23h0 nuk ka shumë klientë nëpër kafiteri. Ata thonë se fluksi më i madh është nga ora 20 deri në orën 22.

“Unë besoj se ky vendim nuk është I nevojshëm për shkak se fluksin më të madh të klientëve e kemi prej në ora 20 deri në ora 22, kështu që në ora 23 kemi shumë pak klientë në lokal dhe duhet ti nxjerrim pa nevojë. Ekonomia në lokalet tona është shumë e rrënuar, por me këtë situatë do të jetë edhe më keq”, shprehet pronari i lokalit, Xhemail Rexhepi.

Të të njëjtit mendim janë edhe qytetarët e Kërçovës. Ata thonë se lokalet nuk ka nevojë të mbyllen mjafton të respektojnë protokollet e qeverisë.

“Sipas meje koronavirusi është në tërë botën dhe ai është I dëmshëm për njerëzit siç thonë mjekët, por lokalet nuk duhet të mbyllen sepse ata kanë rregullat e veta, distancat e tyre edhe shërbimet që bëjnë kamerierët kanë maska”, na tha një qytetar.

“Nuk është mirë lokalet të mbyllen në ora 11 sepse këta që punojnë kanë familje marrin rroga ka të punësuar. Por nëpër lokalet të mos I lënë të rrinë 6 ose 10 persona, të mos bëjnë nga dy tavolina bashkë që populli të hanë të pinë kafe, port ë jenë nga 4 vetë ose 3 vetë”, u shpreh një qytetar tjetër pë TV21.

Profesori i Ekonomisë Jeton Sula thotë se nesë situata na sjell masa të reja siç është ora policore, kjo do të ishte një goditje e rëndë për gastronominë e vendit, pas goditjes së parë.

“Do të ketë situatë të re ku do të jetë tepër e rëndë për sektorin e gastronomisë mbyllja e objekteve hotelierike, gjegjësisht kafiterive, restoranteve, do t’i dëmtonte tej made duke pasur parasysh pastaj se vine edhe efektet anësore. Nga kjo mbyllje do të kemi largimin e punëtorëve nga puna, reduktimin e numrit të punëtorëve, uljen e pagave, pra situatat e këtilla serish bien në kurriz të shtetit sepse ata persona do të figurojnë si të pa punë”, thotë profesor i ekonomisë Jeton Sula.

Së fundmi po zhvillohen kontrolle të vazhdueshme nëpër objektet hotelierike.

Në procedurë parlamentare është edhe ndryshimi i ligjit për mbylljen e objekteve hotelierike deri në 30 ditë dhe denime me para, në rast se të njëtët nuk respektojnë masat e qeverisë.

Ligji i tanishëm për objektet hotelierike që nuk respektojnë masat parasheh vetëm padi penale.

VIDEO:

/tv21