Mërgimtari i kthyer nga Italia në vendlindje, fiton më shumë se në Zvicër (VIDEO)
Ani pse shumë mërgimtarë vazhdojnë të jetojnë dhe të veprojnë në mërgim, ka edhe të tillë që zgjedhin të kthehen në vendlindje për të jetuar dhe investuar. Ngjashëm ka vepruar edhe Naim Kryeziu nga fshati Bubavec, komuna e Malishevës, i cili është kthyer nga Italia dhe ka investuar në Kosovë, transmeton albinfo.ch.
Në një intervistë për emisioni n’Kosove Show, Naimi tregon se familja e tij kanë traditë shumëvjeçare të merren me blegtori dhe ndër të tjera tregon se nga viti 2002 ai kishte shkuar në mërgim, ndërsa në vitin 2009 është kthyer në Kosovë dhe ka filluar të merret me blegtori.
Po ashtu ai tregon se ishte i inspiruar në Gjermani dhe Itali, tek sa shihte ferma të bukura dhe ka vendosur ta ushtrojë këtë veprimtari në vendlindje.
Në fillimet e karrierës së tij, Naimi kishte vetëm 4 krerë dele, ndërsa tani thotë se më së shumti ka pasur deri në 600 krerë dele.
Nga ana tjetër, përveç deleve, në fermen e Naimit ka edhe dhi (40 krerë), shota, bletë, pula, gusa.
Gjatë intervistës ai shprehet se nuk do të kthehej dhe një herë në Itali dhe e falënderon Zotin që nuk është në mërgim dhe nuk i bie pishman që është kthyer në vendlindje. /Albinfo.ch
VIDEO:
