Alternativa – Kërçovë përkrah protestën

Marsh i madh Protestues kundër çmimit të energjisë elektrike në Kërçovë, ora 18:30 sheshi i qytetit
Sot në takimin me këshillin organizativ të protestës kundër shtrenjtmit të rrymës elektrike përcollëm gatishmërinë e degës së Alternativës Kërçovë për të përkrahur protestën ashtu siç e bëmë atë edhe javën e kaluar.

Në të njejtën kohë apelojmë te të gjithë qytetarët pa dallim ngjyrimi politik t’i bashkangjiten kësaj proteste me çka do dëshmojmë se interesi i përgjithshëm është mbi të gjitha dhe me këtë do detyrojmë KRE (Komisionin Regulator të energjisë) si dhe kompanitë shtetërorë ELEM dhe MEPSO bashkë me EVN kompaninë që shpërndanë energjine elektrike të mos kujdesen vetëm për përfitimet e tyre marramendëse por të kenë parasyshë krizën e madhe nëpër të cilën kalojnë qytetarët.

Sipas nesh kësaj proteste mund ti ndihmojnë shumë edhe të gjithë ata të cilët në ndonjë formë janë pjesë e këtyre kompanive e që duhet të mbrojnë interesin e qytetarit (interesin e përgjithshëm) dhe në këtë drejtim shpresoj që këshilli organizativ punon në vënien e kontakteve për të marrë informacion më të saktë rreth mundësisë së ndihmës së tyre konkrete.

Gjithashtu në këtë drejtim sygjeruam se nevojitet edhe nje senzibilizim më i madh mediatik që protestat të jenë më të suksesshme me çka edhe presioni ndaj kompanive përgjegjëse do të rritej.
Shpresoj që masoviteti nesër do dëshmojë seriozitetin por edhe pjekurinë tonë si shoqëri për të mbrojtur interesin a saj.