Zvicra renditet e dyta në Evropë për ligj dhe rend për të jetuar
Zvicra është renditur ndër vendet me rezultatin më të lartë në Evropë në Indeksin e Ligjit dhe Rendit, sipas raportit global të sigurisë “Global Safety Report 2025”, të publikuar nga organizata ndërkombëtare Gallup, shkruan albinfo.ch.
Sipas të dhënave të raportit, Zvicra ka marrë 91 pikë nga 100 të mundshme, duke u pozicionuar në vendin e dytë në renditjen evropiane, pas Islandës, e cila ka grumbulluar 93 pikë.
Pas Zvicrës renditen Lituania dhe Norvegjia, me nga 91 pikë, ndërsa Kosova, me 90 pikë, pozicionohet në vendin e pestë në Evropë.
Indeksi mat perceptimin e qytetarëve për sigurinë personale përmes katër treguesve: sigurinë gjatë ecjes vetëm natën, besimin në policinë lokale, përvojat me vjedhjet dhe ato me sulmet fizike apo grabitjet gjatë 12 muajve të fundit.
/Albinfo.ch
>
