Musk pendohet për 500 milionë dollarët e shpenzuara për Trump? Ndihem budalla !

Musk pendohet për 500 milionë dollarët e shpenzuara për Trump? Ndihem budalla !

Miliarderi amerikan Elon Musk ka shprehur keqardhje për shumat e mëdha që shpenzoi për të mbështetur kandidatët republikanë në zgjedhjet e mesmandatit në SHBA, duke pranuar se investimi i tij financiar nuk solli rezultatet që kishte pritur. Gjatë një interviste në eventin DealBook të New York Times, të mbajtur të mërkurën në New York, kreu i Tesla-s dhe SpaceX deklaroi se ndihej i zhgënjyer nga mënyra se si u përdorën paratë e tij në fushatën zgjedhore.


“Ndihem shumë budalla që shpenzova kaq shumë para dhe pashë kaq pak rezultate. Ose ndoshta gjërat mund të kishin qenë edhe më keq”, u shpreh Musk, i cili mori pjesë në aktivitet përmes një lidhjeje video nga Kina, ku ndodhet në shoqërinë e presidentit amerikan Donald Trump.

Musk kishte investuar rreth 500 milionë dollarë për të mbështetur republikanët, me synimin që ata të ruanin kontrollin e Dhomës së Përfaqësuesve dhe Senatit. Megjithatë, rezultatet zgjedhore, që sollën një fitore të demokratëve, e kanë shtyrë miliarderin të rishikojë efektivitetin e kontributeve të mëdha financiare në politikë.


“Zgjedhjet nuk kanë të bëjnë vetëm me paratë”, tha ai, duke pranuar se edhe shpenzimet e konsiderueshme nuk garantojnë sukses elektoral.

/ts

 




>