Zvicër, rrahja brutale e 32-vjeçarit nga Kosova, katër persona dërgohen në gjykatë !

Zvicër, rrahja brutale e 32-vjeçarit nga Kosova, katër persona dërgohen në gjykatë !

Katër persona janë dërguar në gjykim në Zvicër, nën akuzën për tentativë vrasjeje, pas një sulmi brutal ndaj një 32-vjeçari nga Kosova në parkun Ciani të Luganos.


Sipas gazetës zvicerane Corriere del Ticino, Prokuroria e Kantonit Ticino ka përfunduar hetimet për ngjarjen e 9 korrikut 2026.
Viktima ishte goditur vazhdimisht me grushte dhe shqelma, edhe pasi ishte rrëzuar në tokë, duke pësuar fraktura që kërkuan trajtim spitalor.

Të akuzuarit janë një shtetas iranian, një etiopian, një shqiptar dhe një italian. Të katërt u arrestuan pas sulmit dhe u vendosën në paraburgim.


Ngjarja kishte shkaktuar shqetësim të madh te qytetarët, duke bërë që autoritetet lokale të shtonin patrullimet dhe kontrollet në park.

Procesi gjyqësor pritet të përcaktojë përgjegjësinë e secilit prej të akuzuarve, të cilët prezumohen të pafajshëm deri në një vendim përfundimtar të gjykatës.

/urgjent

 




>