Zvicër, 25-vjeçari shqiptar dënohet me 10 vjet burg për trafikim droge !

Zvicër, 25-vjeçari shqiptar dënohet me 10 vjet burg për trafikim droge !

Gjykata e Qarkut në Zofingen, në kantonin Aargau, ka dënuar me 10 vjet burg një 25-vjeçar shqiptar për trafikim të narkotikëve në shkallë të gjerë. Gjykata ka urdhëruar gjithashtu dëbimin e tij nga Zvicra për 15 vjet.


Në një depo në Aarburg, policia sekuestroi rreth 3,9 kilogramë përzierje kokaine, 2,4 kilogramë përzierje heroine dhe mbi 26 kilogramë substanca që përdoreshin për përzierjen e drogës. Hetuesit gjetën narkotikë edhe në një automjet, si dhe materiale paketimi që, sipas Prokurorisë, tregonin se droga përgatitej për shpërndarje.

Sipas Prokurorisë, 25-vjeçari, i cili në TikTok e quante veten “Pablo Escobar”, kishte rol qendror në rrjetin e shpërndarjes. Hetuesit dokumentuan takime të shkurtra në parkingje publike në disa kantone. Sipas aktakuzës, ai dyshohet gjithashtu se u kishte dorëzuar para të gatshme dy shoferëve të një kompanie udhëtimesh në të paktën 20 raste. Prokuroria pretendoi se paratë vinin nga shitja e narkotikëve.


Mbrojtja kundërshtoi pretendimin se i riu drejtonte rrjetin dhe argumentoi se ai mund të kishte vepruar si korrier. Avokatja kërkoi lirimin nga disa akuza dhe një dënim prej tre vjetësh burg. Prokuroria kërkoi nëntë vjet, ndërsa gjykata caktoi dhjetë. Sipas raportimeve, gjykata hoqi gjobën prej 500 frangash për shkak të gjendjes financiare të të dënuarit dhe urdhëroi regjistrimin e dëbimit në Sistemin e Informacionit Shengen.

/ts

 




>