Gjermania dëboi 34 shqiptarë ?
Ministria për Refugjatët e landit gjerman Nordrhein-Westfalen ka korrigjuar të dhënat për një fluturim dëbimi të kryer më 29 shtator 2026. Sipas sqarimit të ministrisë, avioni transportonte 35 persona që po dëboheshin nga Gjermania. Njëri kishte destinacion Sofjen, ndërsa 34 shtetas shqiptarë vazhduan drejt Tiranës.
Sipas gazetës gjermane BILD, informacioni fillestar përmendte vetëm personin që po dëbohej drejt Bullgarisë. Kjo krijoi përshtypjen se autoritetet kishin marrë me qira një Boeing 737 me 189 vende për dëbimin e një personi të vetëm. Ministria sqaroi më pas se avioni ishte nisur nga Düsseldorfi, kishte ndaluar në Sofje dhe prej andej kishte vazhduar drejt Tiranës.
Rasti nxiti reagime politike në Gjermani. Deputeti i FDP-së, Alexander Steffen, kritikoi ministrinë e drejtuar nga Verena Schäffer e Partisë së Gjelbër për mënyrën si u organizua operacioni dhe si u informua publiku.
Në raportimet fillestare u përmend një kosto prej rreth 60 mijë eurosh. Sqarimi i ministrisë për itinerarin dhe numrin e personave nuk përcaktoi nëse kjo shifër mbulonte të gjithë operacionin deri në Tiranë.
/ts
>
