Nxënësit e shkollës “Naim Frashëri” vizitojnë Shoqatën Humanitare “Kalliri i Mirësisë” në Kërçovë
Sot, nxënësit e shkollës fillore “Naim Frashëri”, të shoqëruar nga drejtori dhe arsimtarët e shkollës, vizituan Shoqatën Humanitare “Kalliri i Mirësisë” në Kërçovë. Kjo vizitë erdhi si rezultat i një iniciative të bukur humanitare të ndërmarrë nga nxënësit me rastin e Ditës Ndërkombëtare të Mirësisë – 13 Nëntorit.
Me këtë rast, nxënësit organizuan një aktivitet humanitar, gjatë të cilit grumbulluan mjete financiare, të cilat më pas ia dhuruan shoqatës sonë, në mbështetje të Projektit Dimëror 2026.
Kjo nismë dëshmon se solidariteti, humanizmi dhe kujdesi për njerëzit në nevojë kultivohen që në moshë të hershme. Veprime të tilla janë shembull i shkëlqyer i edukimit me vlera njerëzore dhe i përgjegjësisë ndaj komunitetit.
Shoqata Humanitare “Kalliri i Mirësisë” shpreh mirënjohjen dhe falënderimin e sinqertë për nxënësit, drejtorin dhe të gjithë arsimtarët e shkollës “Naim Frashëri” për këtë iniciativë fisnike dhe kontributin e tyre në mbështetje të familjeve në nevojë.
Mirësia nuk matet me madhësinë e dhuratës, por me madhësinë e zemrës që dhuron!
Faleminderit që së bashku po e bëjmë dimrin më të ngrohtë për ata që kanë më shumë nevojë!
/ms
>
