Zvicër, 22-vjeçari shqiptar arrestohet me një kilogram kokainë !

Zvicër, 22-vjeçari shqiptar arrestohet me një kilogram kokainë !

Një 22-vjeçar nga Shqipëria dhe një 53-vjeçar zviceran janë arrestuar në Ligornetto të kantonit Ticino, pasi gjatë një kontrolli në automjetin ku udhëtonin u zbuluan rreth një kilogram kokainë dhe disa qindra franga në para të gatshme.


Sipas njoftimit të përbashkët të autoriteteve zvicerane, automjeti me targa zvicerane u ndalua nga zyrtarët e doganës dhe sigurisë kufitare më 15 nëntor 2026, pak pas orës 11:00.

22-vjeçari ka vendbanim në Shqipëri, ndërsa 53-vjeçari në kantonin Bernë. Të dy dyshohen për shkelje të rëndë të Ligjit Federal për Narkotikët. Ndaj të riut shqiptar ka edhe dyshime për pastrim parash dhe shkelje të Ligjit për të Huajt dhe Integrimin.


Hetimet drejtohen nga prokurori Zaccaria Akbas. Autoritetet nuk kanë dhënë hollësi të tjera mbi origjinën apo destinacionin e drogës dhe rolin e secilit të dyshuar.

/ts

 




>