Valbona Adili Emini: Alta banka Beograd – kush ia hapi dyert në maqedoninë e veriut ?

Sot, kur disa përpiqen të krijojnë zhurmë politike dhe të paraqiten si mbrojtës të interesave kombëtare, është me rëndësi të rikujtojmë vendimet dhe veprimet e së kaluarës.

Sipas informacioneve të publikuara, në vitin 2023, gjatë qeverisjes së LSDM-BDI-së, ishte lejuar hyrja e Alta Banka në Maqedoninë e Veriut.
Po ashtu, pretendohet se ministri i atëhershëm i Financave, Fatmir Besimi, kishte kërkuar vendosjen e marrëdhënieve afariste me Davor Macurën.

Këto pretendime meritojnë sqarim publik dhe dokumentim të plotë.
Kush e inicioi këtë bashkëpunim? Kush e mbështeti dhe cilat ishin interesat ekonomike që qëndronin pas tij?
Nuk mund të flitet sot me retorikë patriotike, ndërsa të shmanget përgjegjësia për vendimet e marra gjatë ushtrimit të pushtetit.

Patriotizmi nuk matet me deklarata të zhurmshme, por me transparencë, parime dhe përgjegjësi për veprimet konkrete.
Qytetarët meritojnë të vërtetën, jo standarde të dyfishta politike! Shkruan deputetja Valbona Adili Emini në facebook

/ms