Tronditet Gjermania! Pa biletë 24-vjeçari shqiptar udhëton mes dy vagonëve të trenit !

Një 24-vjeçar shqiptar dyshohet se udhëtoi nga Potsdami në Magdeburg duke qëndruar në pjesën e jashtme të një treni ICE, mes dy vagonëve. Sipas Policisë Federale gjermane, ngjarja ndodhi të dielën, më 8 nëntor 2026, në një tren që ishte nisur nga Berlini.

Pak para mbërritjes në Stacionin Qendror të Potsdamit, kontrollorja i kërkoi të riut biletën dhe dokumentin e identifikimit. Ai nuk mundi të paraqiste asnjërin prej tyre, ndaj iu kërkua të zbriste në ndalesën e radhës.

24-vjeçari zbriti në Potsdam pak para orës 22:00. Sipas hetimeve paraprake, teksa treni po nisej, ai u ngjit nga jashtë në hapësirën mes dy vagonëve dhe qëndroi aty deri në Magdeburg.

Rreth orës 22:58, kur treni mbërriti në Stacionin Qendror të Magdeburgut, punonjësit e hekurudhës e panë të riun duke dalë nga hapësira mes vagonëve. Më pas ai kaloi platformën dhe hyri në zonën e shinave.

Policia Federale e ndaloi dhe e shoqëroi në stacionin policor. Sipas autoriteteve, ndaj tij pritet të nisin procedura për shmangien e pagesës së biletës dhe për shkelje të tjera të mundshme.

Policia paralajmëroi se qëndrimi në shina ose në pjesën e jashtme të një treni në lëvizje mund të ketë pasoja fatale. Në njoftim nuk raportohen lëndime.

/ms