Dy javë pas zgjedhjeve, valë arrestimesh në Serbi për korrupsion dhe dhunë !

Arrestime të njëpasnjëshme shënuan dy javët e para pas zgjedhjeve në Serbi. Arrestimet po bëhen nën dyshimet për korrupsion, dhunë ndaj studentëve, manipulime zgjedhore dhe keqpërdorim të pozitës zyrtare. Ende pa e marrë pushtetin Lista Studentore, fituese e zgjedhjeve të 25 tetorit, kanë nisur të rihapen raste të pazgjidhura dhe të fillojnë hetime të reja. Në mesin e të arrestuarve janë edhe rreth 20 zyrtarë policorë, përfshirë disa drejtues të lartë të policisë.

Disa prej tyre dyshohen për keqtrajtim të studentëve pas protestave të mbajtura pak më shumë se një vit më parë. Dy ditë pas zgjedhjeve, Prokuroria e Lartë Publike formoi një komision prej pesë anëtarësh për të kontrolluar punën e të gjitha 87 prokurorive në Serbi.

Në koordinim me këtë komision, nisën disa procedura të rëndësishme, përfshirë hetimet për brutalitetin policor ndaj studentëve pas protestave të gushtit të vitit 2025. Viteve të fundit, organizatat e shoqërisë civile kanë paralajmëruar vazhdimisht se prokuroritë në Serbi kanë cenuar të drejtat e qytetarëve, duke mos i ushtruar kompetencat e tyre ose duke i keqpërdorur ato.

/Alsat.mk