CNN: Njihuni me Adri Mehmetin, 17-vjeçarin që pritet të bëhet yll i futbollit Amerikan.

Adri Mehmeti po tërheq vëmendjen si një nga talentet premtuese të futbollit amerikan. Në moshën 17-vjeçare, mesfushori me prindër nga Shqipëria është bërë titullar te New York Red Bulls dhe ka debutuar me kombëtaren e të rriturve të SHBA-së, sipas një shkrimi të CNN Sports.

Mehmeti iu bashkua akademisë së klubit në vitin 2019, ndërsa debutimin me ekipin e parë e bëri në moshën 16-vjeçare. Qetësia me topin, disiplina dhe aftësia për të organizuar lojën e kanë ndihmuar të fitojë besimin e trajnerëve.

Një rol vendimtar në rrugëtimin e tij e ka pasur babai, i cili ia përcolli dashurinë për futbollin që në fëmijëri. Talenti i ri thotë se sakrificat e prindërve mbeten motivimi i tij i përditshëm.

Krahas stërvitjeve dhe ndeshjeve, Mehmeti vazhdon shkollimin në distancë. Pavarësisht ngritjes së shpejtë dhe interesimit të raportuar nga klube evropiane, ai mbetet i përqendruar te zhvillimi i tij me New York Red Bulls.

/kercova.net