Kërçova si Las Vegas? Kontrata për ndriçimin publik parashikonte 34 mijë euro në muaj!

Revizorët kanë zbuluar parregullsi serioze në kontratat për ndriçimin publik në Kërçovë, ndërsa institucionet kompetente tashmë po ndërmarrin veprime. Sipas kryetarit të komunës, Aleksandar Jovanovski, kontrata për modernizimin e sistemit të ndriçimit parashikonte pagesa mujore prej 34 mijë eurosh për 15 vjet, me një vlerë të përgjithshme prej mbi gjashtë milionë eurosh. Kjo kontratë tashmë është ndërprerë.

Jovanovski pretendon se është ndërprerë edhe kontrata me kompaninë e përzgjedhur për mirëmbajtjen e ndriçimit, pasi ajo kishte ofruar çmime jorealisht të ulëta për materialet.

Ministria e Punëve të Brendshme ka konfirmuar se ndaj ish-kryetarit të komunës, Fatmir Dehari, janë nisur procedura. Ndërkohë, Prokuroria po shqyrton raportet e revizionit që përmbajnë dyshime për parregullsi.

Të kontestuara janë edhe të ardhurat nga centrali fotovoltaik i dy shkollave të mesme, për të cilin po zhvillohet një proces gjyqësor mes komunës dhe investitorit.

/alfatv