Zgjedhjet që mund ta tronditin pushtetin e Vuçiçit në Serbi !

Zgjedhjet e parakohshme parlamentare të 25 tetorit në Serbi pritet të jenë një nga sfidat më të mëdha për Aleksandar Vuçiçin dhe Partinë Përparimtare Serbe (SNS), në pushtet që nga viti 2012.

Sfiduesi kryesor është lëvizja studentore, e lindur nga protestat kundër korrupsionit pas tragjedisë në Novi Sad, ku humbën jetën 16 persona. Lista e saj përbëhet kryesisht nga figura jopartiake dhe profesorë universitarë. Sondazhet tregojnë një elektorat të ndarë dhe rezultat të pasigurt.

Vuçiçi, i cili dha dorëheqje si president për të garuar për kryeministër, premton vazhdimin e marrëdhënieve me Rusinë dhe Kinën, krahas synimit për anëtarësim në BE. Studentët përqendrohen te lufta kundër korrupsionit, por kundërshtojnë gjithashtu sanksionet ndaj Rusisë dhe njohjen e Kosovës.

Ndërkohë, procesi zgjedhor shoqërohet me shqetësime për presion ndaj votuesve, përgjime dhe parregullsi në listat zgjedhore. Sipas hulumtimeve të REL-it, mbi 500.000 votues figurojnë pa adresa të sakta. Autoritetet i mohojnë akuzat dhe deklarojnë se kanë zbatuar rekomandimet e OSBE-së, ndërsa ODIHR-i vlerëson se disa prej tyre mbeten të papërmbushura.

Në garë marrin pjesë 18 lista për 250 vende në Parlament. Zgjedhjet do të vëzhgohen nga mbi 300 vëzhgues të ODIHR-it.

/REL