Valbona Adili Emini: Tetori rozë – së bashku për shëndetin dhe jetën!
Sot, në cilësinë e deputetes, së bashku me këshilltaren komunale znj. Teuta Purellku Ahedi, drejtoreshën e Shtëpisë së Shëndetit në Kërçovë, znj. Fatmire Alimi Maksuti, këshilltaren e Kryetarit të Kuvendit, znj. Albulena Demiri Zendeli, si dhe gratë dhe vajzat aktiviste të VLEN-it, morëm pjesë në aktivitetin sensibilizues të organizuar në Kërçovë, në kuadër të Tetorit Rozë ,Muajit të Ndërgjegjësimit për Kancerin e Gjirit.
Ky aktivitet ishte më shumë se një fushatë ndërgjegjësimi. Ishte një mesazh solidariteti, përkujdesjeje dhe përgjegjësie ndaj shëndetit të çdo gruaje dhe vajze.
Besoj fuqishëm se ndërgjegjësimi, edukimi shëndetësor dhe diagnostikimi i hershëm janë ndër armët më të rëndësishme në luftën kundër kancerit të gjirit.
Sepse një kontroll në kohë mund të shpëtojë një jetë!
Falënderoj nga zemra të gjitha gratë dhe vajzat që iu bashkuan këtij aktiviteti, duke dëshmuar se kur bashkohemi për një kauzë kaq njerëzore, mesazhi ynë bëhet edhe më i fuqishëm.
Të dashura gra dhe vajza, mos e lini veten për në fund! Kujdesuni për shëndetin tuaj, sepse jeta juaj është e pazëvendësueshme!
Tetori është rozë, por kujdesi për shëndetin duhet të zgjasë gjatë gjithë vitit!
Shkruan deputetja Valbona Adili Emini në facebook.
/ms
