Dr. Jeta Qerimi: Ja pse dhash dorëjeqje nga pozita e Drejtoreshës së Shtëpisë së Shëndetit në Kërçovë

Pas një periudhe të rëndësishme dhe të veçantë në rrugëtimin tim profesional, edhe pse për pjesën më të madhe të opinionit mund të ketë ardhur si një vendim i papritur, unë më datë 9 shtator 2026 dorëzova dorëheqjen time nga pozita e Drejtoreshës së Shtëpisë së Shëndetit në Kërçovë.

Shpreh mirënjohjen time të sinqertë per mundesinë per kete eksperiencë te veçantë si profesioniste ne fushën e mjeksise, për besimin e dhënë dhe për mundësinë si gjenerata të reja t’u shërbejmë qytetarëve në këtë detyrë të rëndësishme.

Një falënderim i veçantë shkon për të gjithë punonjësit e Shtëpisë së Shëndetit në Kërçovë, për përkushtimin, profesionalizmin, bashkëpunimin dhe angazhimin e tyre të vazhdueshëm.
Ky vendim është marrë për arsye familjare, por edhe për shkak të një mundësie të re profesionale që më është ofruar në këtë etapë të jetës sime dhe që kam vendosur ta ndjek.

Largimi nga një detyrë nuk nënkupton largim nga misioni. Kam qenë, jam dhe do të vazhdoj të jem e përkushtuar ndaj shëndetësisë, qytetarëve të mi dhe përmirësimit të mirëqenies së komunitetit tonë.

Do të vazhdoj të kontribuoj me dijen, përvojën dhe energjinë time në çdo institucion dhe në çdo rol ku do të kem mundësinë të shërbej me profesionalizëm dhe përgjegjësi.
Faleminderit të gjithëve që më besuan, më mbështetën dhe bashkëpunuan me mua gjatë kësaj periudhe. ❤️
Me këtë rast, drejtoreshës së re Dr.Fatmire Alimi Maksuti i uroj vazhdimësi të sukseshme të punës dhe shumë suksese në detyrën e saj.
Me mirënjohje,
Dr. Jeta Qerimi

/ms