BDI në Kërçovë zhvillon mbledhjen e parë, fokus te zhvillimet politike dhe interesat e qytetarëve

Dega e Bashkimit Demokratik për Integrim në Kërçovë ka zhvilluar sonte mbledhjen e parë, ku janë diskutuar zhvillimet e fundit politike, situata aktuale dhe çështjet me rëndësi për qytetarët e Kërçovës.

Në takim është diskutuar edhe për proceset që lidhen me ish-udhëheqësit e Ushtrisë Çlirimtare të Kosovës. BDI ka ritheksuar qëndrimin e saj në mbështetje të vlerave dhe kontributit të luftës së UÇK-së në historinë e Kosovës dhe të shqiptarëve.

Vëmendje e veçantë i është kushtuar edhe situatës në Kërçovë dhe përgjegjësisë së strukturave partiake ndaj qytetarëve.
Sipas BDI-së, dega në Kërçovë synon të jetë pranë qytetarëve, të dëgjojë shqetësimet e tyre dhe të angazhohet për interesat e komunës dhe banorëve të saj.

Në mbledhje është theksuar nevoja për përgjegjësi, përkushtim dhe angazhim të vazhdueshëm për Kërçovën dhe të ardhmen e saj.

/tvgurra