Kërçovë: Fillon rinovimi i shkollës “Sande Shterioski”, investim për kushte më të mira për nxënësit

Ka nisur projekti për rinovimin e objektit të shkollës “Sande Shterioski”, një investim i rëndësishëm që ishte planifikuar që në mandatin e kaluar dhe që po realizohet tani, me synimin për të përmirësuar kushtet e mësimit dhe për të krijuar një ambient më të sigurt, më funksional dhe më modern për nxënësit.

Në ceremoninë e fillimit të punimeve morën pjesë Kryetari i Komunës, Dr. Aleksandar Jovanovski, drejtuesit e shkollës dhe përfaqësuesit përgjegjës për realizimin e projektit.

Drejtori i shkollës, Bekim Jusufi, shprehu mirënjohje për të gjithë ata që kontribuan në jetësimin e kësaj nisme, duke theksuar se projekti është rezultat i vizionit, përkushtimit dhe bashkëpunimit institucional.

Sipas tij, rinovimi i shkollës nuk nënkupton vetëm përmirësimin e një objekti, por përfaqëson një investim të drejtpërdrejtë në të ardhmen e nxënësve dhe të gjithë komunitetit.

/tvgurra