Njoftim për opinionin nga Komuna Kërçovës

Për shkak të reagimeve në opinion, si dhe publikimeve të disa portaleve lidhur me arsyen pse në forumin e mbajtur në Komunën e Kërçovës nuk pati përkthim në gjuhën shqipe, në interes të së vërtetës, transparencës dhe në shenjë respekti ndaj qytetarëve të Komunës së Kërçovës, ndër të cilët një pjesë e madhe e kanë gjuhën shqipe si gjuhë amtare, e informojmë opinionin se në forumin e mbajtur në Komunën e Kërçovës më 25.03.2026, në të cilin ishte i pranishëm edhe ministri i Bujqësisë, Pylltarisë dhe Ekonomisë së Ujërave, z. Cvetan Tripunovski, nuk ishte siguruar përkthim në gjuhën shqipe për arsyet në vijim:

– përkthyesit në atë moment nuk ishin të disponueshëm për përkthim simultan;
– z. Arben Ristemi mungonte me arsye për shkaqe familjare, me ditë pushimi të miratuara paraprakisht;
– z. Tefik Asani, për shkak të rrethanave objektive që ndërlidheshin me realizimin e përkthimit simultan, nuk ishte në mundësi të kryente përkthim atë ditë.

Dëshirojmë të theksojmë qartë se mungesa e përkthimit në gjuhën shqipe nuk paraqiste qëllim për përjashtim apo mungesë respekti ndaj qytetarëve, gjuha amtare e të cilëve është shqipja, por ka ardhur ekskluzivisht si pasojë e rrethanave objektive dhe të paparashikuara.

Për konfirmimin e arsyeve të lartpërmendura, opinioni lirshëm mund t’u drejtohet edhe vetë përkthyesve.

Komuna e Kërçovës mbetet edhe në të ardhmen e përkushtuar në respektimin e të drejtave gjuhësore të të gjithë qytetarëve dhe në sigurimin e qasjes së barabartë në komunikim dhe në ngjarjet publike.

/ms