Gjysmëdimri sipas zakoneve kërçovare

Sipas zakoneve dhe traditave popullore kërçovare, 6 shkurti njihet si dita e Gjysmëdimrit, një moment simbolik që shënon kalimin e gjysmës së stinës së dimrit.
Kjo ditë është përcjellë ndër breza me rite dhe ushqime tradicionale, që besohet se sjellin mbarësi dhe shëndet në familje.

Sipas traditës, në këtë ditë përgatitet byrek me groshë, ndërsa si ushqim karakteristik shërbejnë edhe kokrrat e misrit të ziera dhe të përgatitura në hi.

Këto gatime konsiderohen pjesë e trashëgimisë kulinare dhe kulturore të zonës së Kërçovës, duke ruajtur lidhjen me jetën bujqësore dhe besimet popullore të së kaluarës. Kjo traditë vazhdon të ruhet edhe sot në shumë familje kërçovare.

/tvgurra