Urime: Doktoron kërçovari Veton Rushiti

Në Universitetin “Shën Kirilli dhe Metodi” në Shkup, Mr. Veton Rushiti arrijti një sukses të lartë akademik duke mbrojtur me sukses të lartë tezën e doktoraturës me titull:
“Kornizë për detektimin dhe njohjen e dronëve të rrezikshëm”.

Mbrojtja u zhvillua nga komisioni shkencor në përbërjë: Prof. Dr. Biljana Ristoska Stojkoska (Mentore) Prof. Dr. Andrea Kulakov, Prof. Dr. Eliot Bytyqi, Prof. Dr. Slobodan Kallajxhiski Prof. Dr. Eftim Zdraveski dhe mori titullin prestigjioz Doktor i Shkencave Kompjuterike dhe Inxhinierike, duke u renditur ndër studiuesit e rinj që kontribuojnë në fushën e sigurisë ajrore dhe inovacionit teknologjik.

Kjo arritje e vendos atë në qendër të zhvillimeve akademike dhe praktike, duke hapur perspektiva të reja për studimet mbi dronët dhe aplikimet e tyre në mbrojtjen e hapësirës ajrore.

“Disertacioni i tezës së doktoraturës me titull “A Multi-Modal Framework for Detection and Recognition of Risky Drones”, përfaqëson përmbylljen e një rrugëtimi shumëvjeçar kërkimor, të karakterizuar nga përkushtimi, puna eksperimentale, sfidat dhe dëshira për të kontribuar në zhvillimin e shkencës dhe teknologjisë.

Një dimension veçanërisht i rëndësishëm i këtij rrugëtimi ka qenë bashkëpunimi shkencor ndërkombëtar, përmes pjesëmarrjes sime në dy projekte kërkimore të NATO-s, në kuadër të programit Science for Peace and Security (SPS):Anti-Drones (SPS G5633) AI4CUAV (SPS G6246)

Pjesëmarrja në këto projekte më ka mundësuar bashkëpunimin me studiues dhe institucione ndërkombëtare, shkëmbimin e njohurive dhe përvojave, si dhe përfshirjen në aktivitete kërkimore dhe eksperimentale. Kjo përvojë kanë pasur një rol të rëndësishëm në zhvillimin tim akademik dhe në formësimin e drejtimit shkencor të disertacionit.

Falënderim i veçantë dhe i sinqertë i drejtohet mentores sime, Prof. Dr. Biljana Risteska Stojkoska, për udhëheqjen shkencore, këshillat e çmuara, përkushtimin dhe mbështetjen e vazhdueshme gjatë gjithë këtij rrugëtimi. Mirënjohje shpreh edhe për anëtarët e komisionit, kolegët, partnerët dhe bashkëpunëtorët shkencorë, mbrenda dhe jashtë vendit, për kontributin, bashkëpunimin dhe mbështetjen e tyre ndërsa mirënjohjen më të veçantë ia kushtoj familjes sime, e cila ka qenë mbështetja dhe motivi im më i madh. Pas kësaj arritjeje qëndrojnë jo vetëm vite pune dhe përkushtimi, por edhe durimi, mirëkuptimi dhe sakrificat e njerëzve të mi më të dashur” shprehet i gëzuar dhe emocionur Dr. Sc. Veton Rushiti.
Shëndet dhe suksese në jetën akademike!
Sadik Emroja
Shkup, 21,Tetor, 2026

/tvgurra